prop-fr:texte
| - Si mort a mors par ſon aſpre poincture
Le noble eſpoir de mainte créature;
Si mort a mors ſi haulte mageſté,
Le lys & fleur de toute chreſtienté,
Si mort a mors le confort de nobleſſe,
Maints haults vouloirs ſont actains de ſoibleſſe.
Si mort a mors des poures la ſubſtance,
Le bon conſeil, des vices réſiſtance,
Si mort a mors des vertueux le memoire,
L’onneur de paix, le rayon debonnaire;
Si mort a mors des triſtes le confort,
De joye l’accord, l’ayde du foible au fort;
Si mort a mors de gloire le merite
La doctrine des Dames deshérite.
Si mort a mors de l’Égliſe la mere,
Pluſieurs en ont affliction amere,
Si mort a mors le guidon de jeuneſſe,
Et l’eſtandart de tout femenyn ſexe;
Si mort a mors le leze de Juſtice,
Je tiens vacant de maint homme l’office.
Si mort a mors des Bretons la Princeſſe,
Et des Françoys leur regret n’a prins ceſſe;
Si mort a mors le cueur de ſi grant Dame,
Prions à Dieu qu’il en vueille avoir l’ame. (fr)
|